4 persona kanë mbetur të lënduar si pasojë e një aksidenti trafiku në fshatin Magzit të Obiliqit, përcjell InLajmi.
Rastin e konfirmoi zëdhënësi i Policisë Rajonale të Prishtinës, Agron Borovci i cili deklaroi se në aksident janë përfshirë 2 vetura.
“Rreth orës 15:15, është raportuar për një aksident trafiku të ndodhur në hyrje të autostradës në fshatin Mazgit. Deri më tani bëhet e ditur se në aksident janë përfshirë 2 automjete, njëra nga to veturë zyrtare. Për pasojë 4 persona kanë pësuar lëndime trupore dhe të njëjtit kanë marrë trajtimin e nevojshëm mjekësor, përderisa janë shkaktuar dhe dëme materiale”, tha zëdhënësi i Policisë Rajonale të Prishtinës, Agron Borovci.
Ai shtoi se njësia rajonale e trafikut tashmë ka dalë në vendin e ngjarjes për ta hetuar rastin. /InLajmi/
