Një samit i planifikuar i liderëve Quad nga Shtetet e Bashkuara, India, Australia dhe Japonia në Sydney është anuluar pasi presidenti amerikan Joe Biden anuloi vizitën, tha të mërkurën kryeministri i Australisë Anthony Albanese, duke shtuar se bisedimet mund të vazhdojnë ende ndërsa liderët vizitojnë Japoninë, transmeton InLajmi.
Biden ishte planifikuar të takohej me Albanezin, kryeministrin indian Narendra Modi dhe kryeministrin japonez Kishida Fumio më 24 maj për një takim të dialogut informal të sigurisë, i cili shihet gjerësisht si një kundërvënie ndaj qëndrimit agresiv të Kinës në rajon.
Anulimi i vizitës së Biden vjen në kohën kur SHBA kërkon të aktivizojë lidhjet e saj të sigurisë në Paqësor mes konkurrencës në rritje me Pekinin.
Por politika e brendshme e ashpër e Uashingtonit ka kufizuar atë që do të kishte qenë një vizitë e rëndësishme në Azi nga një president amerikan, shkruan CNN.
Biden kishte planifikuar të udhëtonte në Sidnei për samitin si pjesë e një turneu njëjavor në Azi që ishte caktuar të fillonte në Hiroshima, Japoni, për samitin e liderëve të Grupit të 7 (G7) dhe të përfshinte një ndalesë në Papua Guinenë e Re për një takim me udhëheqësit e ishullit të Paqësorit. /InLajmi/
