Në fillim të muajit maj konkretisht me datën 2, kryeministri i Kosovës Albin Kurti u takua me presidentin serb Aleksander Vuçiq, takim ky që bëri liderët politikë të pajtohen për deklaratën e përbashkët për të zhdukurit nga lufta e fundit në Kosovë dhe aty u prezantua nga Ekipi Menaxhues drafti i parë i statutit për Asociacionin e komunave me shumicë serbe në Kosovë, shkruan InLajmi
Ndërsa 15 Maji i këtij viti shënoi takimin e radhës në mes delegacioneve të Kosovës dhe Serbisë më nivele negociatorësh. E, ky takim nuk dha asnjë rezultat përveç deklarata të pjesëmarrësve ku bënë të ditur ata se kanë diskutuar një sërë temash.
Kryenegociatori i Kosovës, Besnik Bislimi, tha se u bisedua se si palët e shohin drejtimin në të cilin po shkon procesi i dialogut. Ai tha se në agjendë të bisedimeve ishte “gjithçka që lidhet me zbatimin e Marrëveshjes” së Ohrit.
Sido që të jetë nga deklarat e përfaqësuese të të 2 vendeve u kuptua se në takimin e fundit nuk pati përprarim në dialogë rreth zbatimit të pikave bazë që i japin shtytje zbatimit të pikavëe të tjera të Marrëveshjes së Ohrit
Se ky takim nuk dha asnjë rezultat e nuk pati asnjë përparim e thotë edhe analisti kosovar Ali Sefaj në një deklaratë për InLajmin.
Sefaj tha se takimi në Bruksel është vazhdimësi e takimeve, në të cilat i diskutojnë çështjet teknike, por qe përparimet janë te vogla, për të mos thëne të parëndësishme.
“Takimi djeshëm në Bruksel në mes Bislimit e Petkoviqit në Bruksel është vazhdimësi e takimeve, në të cilat i diskutojnë çështjet teknike, por qe përparimet janë te vogla, për të mos thëne të parëndësishme”, deklaroi ai
Sipas Sefajt pala serbe nuk do e respektojë marrëveshjen e Ohrit pasi që e lidhë atë më formimin e Asociacionit.
“Jo pala serbe nuk do ta respektoj marrëveshjen e Ohrit pasi qe e lidhë me themelimin e Asociacionit dhe obligimet për palën serbe edhe sipas ndërmjetësuesve rrjedhin pas themelimit te asociacionit dhe jo para tij”, deklaroi Sefaj.
Se ky takim në mes kryenegociatorëve nuk solli ndonjë rezultat e konfirmoi edhe analisti tjetër politik Fidan Ukaj.
Ukaj për InLajmin deklaroi se përderisa nuk do të ketë një presion të fuqishëm nga bashkësia ndërkombëtare marrëveshja e Ohrit nuk do të gjejë zbatim
“Ne fakt jo vetëm ky takim por edhe takime tjera qe pritet te mbahen nuk do te sjellin ndonjë rezultat sepse pala serbe ka qenë dhe mbetet palë destruktive në këtë proçes dialogu, dhe derisa nuk do te këtë një presion te fuqishëm nga bashkësia ndërkombëtare marrëveshja e Ohrit nuk do të gjejë zbatim”, shtoi tutje ai. /Libona Gegaj /InLajmi/
