Kryeministrja e Republikës së Serbisë, Ana Brnabiq, të martën ka pritur në takim nënsekretarin e OKB-së për Operacionet Paqeruajtëse Jean-Pierre Lacroix dhe Përfaqësuesen Speciale të Sekretarit të Përgjithshëm të OKB-së dhe Shefin e Misionit të UNMIK-ut, Karolin Zijade, me ç’rast kanë diskutuar për rolin aktiv të Serbisë në ruajtjen e paqes por edhe vazhdimin e misionit ë UNMIK-ut në Kosovë, trasnmeton InLajmi.
“Serbia vazhdimisht kontribuon për paqen botërore, sigurinë dhe respektimin e ligjit ndërkombëtar duke marrë pjesë në operacionet shumëkombëshe të OKB-së dhe BE-së”, thuhet në njoftimin zyrtarë të Qeverisë së Serbisë.
Kryemnistrja vuri në dukje se OKB-ja është organizata më e rëndësishme ndërkombëtare për Serbinë dhe ne mbështetemi në fuqinë e saj në drejtim të ruajtjes së vlerave origjinale të Kartës, veçanërisht në pjesën për respektimin e integritetit territorial dhe sovranitetit me Rezolutën 1244 të Këshilli i Sigurimit.
“Për Serbinë, vazhdimi i angazhimit të Misionit të UNMIK-ut në një shtrirje të pazvogëluar dhe me mandat të pandryshuar është me rëndësi kyçe”.
Në një takim në Qeverinë e Serbisë, kryeministrja Brnabiq tha se reagimet në kohë, adekuate dhe të dukshme të OKB-së ndaj incidenteve të shumta, provokimeve dhe akteve të njëanshme të Prishtinës janë të rëndësishme dhe në mbështetje të kësaj ajo përmendi një sërë shembujsh të incidenteve që rritën tensionet.
Duke folur për vazhdimin e dialogut ndërmjet Beogradit dhe Prishtinës, kryeministri tha se është e nevojshme që Prishtina t’i përmbush të gjitha obligimet e marra sipas Marrëveshjes së Brukselit.
Nga ana tjetër nësekretari i OKB-së Jean-Pierre Lacroiz foli për kontributin e Serbisë në paqen dhe sigurinë botërore duke marrë pjesë në operacionet shumëkombëshe nën mandatin e OKB-së.
Ndërkaq shefja e Misionit të UNMIK-ut, Karolin Ziade, pajtohet se ka sfida të shumta para UNMIK-ut, si dhe se mbështet vazhdimin e bisedimeve në Bruksel, për të arritur progres konstruktiv.
