Ministri i Mbrojtjes së Kosovës Armend Mehaj priti në takim të martën ambasadorin e Republikës së Turqisë, Sabri Tunç Angili, përcjell InLajmi.
Mehaj bëri të ditur se në këtë takim ata diskutuan çështje të bashkëpunimit bilateral në fushën e mbrojtjes dhe sigurisë.
Më tej ai tha se në vazhdimësi Forca e Sigurisë së Kosovës po zhvillohet në aspektin e kapaciteteve profesionale dhe operacionale.
Postimi i plotë i tij:
Sot kam pritur në takim ambasadorin e Republikës së Turqisë, Sabri Tunç Angili.
Në këtë takim trajtuam çështje të bashkëpunimit bilateral në fushën e mbrojtjes dhe sigurisë, me theks të veçantë bashkëpunimit në fushën e arsimimit të kuadrove të reja dhe trajnimeve ushtarake.
Në vazhdimësi Forca e Sigurisë së Kosovës po zhvillohet në aspektin e kapaciteteve profesionale dhe operacionale, në këtë aspekt padyshim rol të rëndësishëm kanë partnerët tanë strategjik, në mesin e të cilëve edhe Turqia. /InLajmi/
