Ekipet mjekoligjore kanë nisur gërmimet në varrezat e Muhaxherëve në lagjen “Mati 1” në Prishtinë pas dyshimeve për mbetje mortore për 2 trupa të shqiptarëve të zhdukur gjatë luftës së fundit në Kosovë.
Gërmimet do të vazhdojnë edhe ditët në vijim, kështu bëri të ditur Andin Hoti
Përveç kësaj, Hoti tregon që pritet të ketë gërmime edhe në lokacione të tjera, shkruan FrontOnline
“Po, gërmimet në Matiqan nuk kanë përfunduar dhe do të vazhdojnë edhe javën tjetër. Po ashtu, kemi edhe lokacione të tjera për të cilat presim urdhëresa në mënyrë që t’i fillojmë gërmimet. Nuk mund ta dimë për numrin e personave dhe as nëse do të ketë identifikime në këto lokacione, por rasti i Matiqanit ndërlidhet me personat e marrë nga Spitali i Prishtinës, për të cilët Serbia është munduar t’i fshehë gjurmët duke i varrosur atje. Disa prej këtyre personave janë identifikuar vite më parë”, u shpreh Hoti.
