Beteja e Turqisë për presidencën duket pothuajse e sigurt se do të shkojë në balotazh, me presidentin Rexhep Tajip Erdogan dhe liderit opozitar Kemal Kilicdaroglu, transmeton InLajmi.
Pas 20 vitesh në pushtet, ai qëndroi në ballkonin e selisë së partisë së tij duke thënë se ishte i bindur se do të fitonte këtë mandat.
Lideri i opozitës Kemal Kilicdaroglu pohoi gjithashtu se kishte fitoren në duart e tij.
Por rezultatet jo të plota i japin atij rreth 45%, me Erdogan me më shumë se 49% të votave. Kandidatëve u duhen më shumë se 50% për të fituar në raundin e parë.
Për muaj të tërë, partitë e ndryshme opozitare të Turqisë ishin bashkuar për t’i dhënë fund një presidenti që e ka zgjeruar pushtetin e tij në mënyrë dramatike, shkruan BBC.
Dhe turqit dolën për të votuar në një numër shumë të lartë. Zyrtarët vlerësojnë pjesëmarrjen në 88.8%. /InLajmi/
