Një çmenduri e vërtetë ishte ndeshja e “Play-Off”-it të rangut të ulët të futbollit anglez mes Chesterfield dhe Notts County.
Kjo ishte përballja finale e “Play-Off” në National League, me ekipin fitues që do të ngjitej në League Two në Angli. Gjithashtu ishte një derbi shqiptarësh pasi nga njëri krah luante Armando Dobra dhe nga tjetri Geraldo Bajrami, të 2 pjesë e Shqipërisë.
Goli i parë u realizua për vendasit nga Dallas, ndërsa në minutën e 87 barazoi Bostock.
Me nisjen e shtesës ishte Armando Dobra që do të realizonte një gol fantastik te Chesterfield. Por në të 108 ishte Rodrigues që barazoi dhe e dërgoi takimin në shtesë.
Atje Notts County u tregua më i saktë dhe fitoi mes dramës së madhe duke kaluar në League Two.
Dëshpërimi ishte i gjithi në ekipin e Armando Dobrës që u gjend 2 herë në avantazh dhe shumë pranë suksesit.
Megjithatë nëse Chesterfield do të kalonte më tej do të ishte “e padrejtë”. Kjo pasi kampionati u mbyll me Wrexham në vendin e parë që kishte 111 pikë, ndërsa Notts County vinte i 2-ti me 107 pikë, shkruan Lajmi.net.
Por në Nationals League është vetëm një biletë direkte për ngjitjen në League Two dhe 6 vendet më poshtë duhej të shkonin në Play Off. Pra Notts County rrezikoi të mbetej në të njëjtën kategori, pavarësisht 107 pikëve të grumbulluara.
