Kandidati i Partisë Socialiste për kryetar bashkie në Shkodër, Benet Beci votoi në Shkodër rreth orës 10:30.
Ai bëri thirrje që të gjithë qytetarët t’i drejtohen kutive për të ushtruar të drejtën e tyre në këtë ditë të rëndësishme për qytetin, shkruan Euro News Albania.
“Besoj se kemi folur shumë gjatë kësaj fushate. Sot do të flasin qytetarët. Do të doja ta vazhdojmë bukurinë e fushatës edhe sot dhe sa më shumë të shkojnë në kutinë e votimit. Është një ditë e rëndësishme për Shkodrën. Dua të falënderoj dhe gazetarët që kanë përcjellë në mënyrë shumë profesionale gjithë fushatën. Suksese të gjithëve! Deri tani kanë votuar rreth 8%, për më tej do t’iu njoftojmë,” – u shpreh Beci.
