Administratorja e Agjencisë Amerikane për Zhvillim Ndërkombëtar (USAID), Samantha Power, është pritur në takim nga presidentja Vjosa Osmani, raporton InLajmi.
Power bëri të ditur se me Osmanin bisedoi për përparimin dhe normalizimin e marrëdhënieve me Serbinë.
“Biseduam edhe për përparimin e normalizimit të raporteve me Serbinë. Kompleksitetin e këtij procesi të gjithë e kanë parasysh. Kam dëgjuar vazhdimisht që kosovarët besojnë që kjo është rruga e duhur që duhet të vijojë vendi i tyre”.
Ajo theksoi mbështetjen e fuqishme të SHBA-ve për normalizim të marrëdhënieve mes Kosovës dhe Serbia ndërsa shtoi se çdo përparim në këtë proces do të ketë benefite për të 2 vendet.
“Në takimet me kryeministrin dhe presidenten e kam theksuar mbështetjen e fuqishme të SHBA-ve për normalizim, dhe kam inkurajuar që Kosova dhe Serbia të intensifikojnë përpjekjet që të shpejtojnë rrugën drejt këtij normalizimi sepse çdo përparim në këtë drejtim do të ketë benefite për qytetarët e të dyja vendeve”, tha Power.
Shefja e USAID tha se normalizimit të raporteve me Serbinë mund t’i ndihmojë themelimi i Asociacionit.
“Me themelimin e Asociacionit kjo do t’i ndihmojë normalizimit të raporteve”. /InLajmi/
