Ka përfunduar protesta më e madhe në Serbi në 10 vitet e fundit.
Protesta tjetër është paralajmëruar për të premten e ardhshme.
Në protestë ishin me dhjetëra mijëra protestues dhe mediat e rralla që raportuan për protestën, si Nove.rs, Danas.rs dhe N1 Beograd, shkruanin se ishte protesta më e madhe në 10 vitet e fundit në Serbi.
Trafiku në autostradën Beograd-Zagreb dhe Beograd-Nish u ndal kur autokolona e gjatë disa kilometra arriti në kryqëzimin e madh Gazela.
Shumica e rrugëve në qendër të kryeqytetit serb ishin gjithashtu të bllokuara. Kjo është protesta e 2 paqësore e quajtur “Serbia kundër dhunës” këtë javë pasi 17 persona u vranë dhe 21 u plagosën në 2 të shtëna në fillim të muajit, transmeton lajmi.net
Tubimi u organizua nga opozita pro-evropiane, të cilën presidenti Aleksandar Vuçiç e akuzon si “shkaba” për tragjedinë njerëzore.
