Eksperti i sigurisë Agim Musliu, ka reaguar pas publikimit të raportit zyrtar të Parlamentit Evropian, raport ky që evidenton lidhjet e ngushta të Serbisë me Rusinë, përcjell InLajmi.
Kohë më parë Musliu bashkë me bashkëpunëtorët e OCTOPUS kishte folur për këtë çështje ndërsa sot atij i vjen mirë që raportet Serbi-Rusi u evidentuan edhe nga Parlamenti Evropian.
Ai thotë se evidentimi i këtyre lidhjeve nga Parlamenti Evropian është shpresë se Evropa do të këndellet heret a vonë.
Musliu thotë se ky grup paramilitar është prezent edhe në Kosovë.
Sipas tij, rusët i përcjellin krizat dhe shkojnë pas tyre.
Postimi i plotë i tij:
Më vjen mirë që Parlamenti Europian ka thënë me raport zyrtar se Serbia është e lidhur ngushtë me Rusinë dhe akterët tjerë rusë paramilitarë.
Unë dhe bashkëpunëtorët e mi në Institutin OCTOPUS, besoj se jemi të parët që kemi folur për prezencën e njerëzve të këtij grupi paramilitar edhe në Kosovë, sidomos në kohën e tensioneve të nëntor-dhjetorit 2022, kur ishin prezentë shumë elementë rusë.
Rusët i përcjellin krizat dhe shkojnë pas tyre! Do të thotë, nëse xixat e krizave shkaktohen nga serbët, benzina iu hedhet prej rusëve! Prandaj, evidentimi i kësaj nga Parlamenti Evropian, është shpresë se Evropa këndellet herët a vonë! /InLajmi/
