Një shpërthim i madh ka ndodhur në Milano, në veri të Italisë, duke bërë kështu që disa automjete të përfshihen në flakë, transmeton InLajmi.
Dyshohet se automjeti mbante bombola oksigjeni të cilat shpërthyen.
Disa makina të parkuara në radhë u kapën në flakë në atë që përshkruhet si “shpërthimet domino”.
Automjetet u panë duke marrë flakë menjëherë. Kanë qenë të paktën 5 makina dhe 4 motoçikleta që ishin përfshirë nga zjarri.
Incidenti ka ndodhur saktësisht në zonën Porta Romana të qytetit. Zjarrfikësit u përgjigjën për të vënë nën kontroll zjarrin. E gjithë zona u rrethua nga policia për sigurinë e kalimtarëve, shkruan Republic World.
Ata gjithashtu evakuuan nxënësit dhe punonjësit e shkollës dhe shtëpinë e të moshuarve aty pranë. Mësohet se furgoni ishte i destinuar për në Institutin Auxologjik Italian aty pranë dhe dëshmitarët okularë thanë se ata panë një shpërthim masiv. /InLajmi/
