Kryeministri Albin Kurti pas takimit që mbajti me emisarin e BE-së, Miroslav Lajçak, deklaroi se është e nevojshme që marrëveshja të zbatohet në tërësi, derisa ka kërkuar që Serbia të mbahet përgjegjëse për shkeljet e saj, përcjell InLajmi
Për këtë deklaratë të Kurtit reagoi ish-Kryeministri i Kosovës dhe njëherësh deputeti nga radhët e LDK-së Avdullah Hoti.
Hoti publikoi një video të mëparshme të Kurtit sa ishte në opozitë ku i paraqiste 5 kushte të Kosovës për dialogun me Serbinë.
“5 lloje të kushteve që Kosova duhet me ja paraqitë Serbisë. Kushti i parë juridik dhe legal, Serbia duhet me e ndryshu Kushtetutën e saj dhe me e pranu pavarësinë e Kosovës. Kushti i 2 , humanitar dhe moral, Serbia duhet me na i kthy të pagjeturit edhe me na kërku falje për krimet e kryera. Kushti i 3 i drejtësisë me na i dorëzu ata mijëra kriminelë që i kanë bë vrasje dhe dhunimet e torturat në Kosovë. Kushti i 4 është politik – Serbia duhet me pushu me shtypjen dhe diskriminimin e shqiptarëve në Luginë të Preshevës dhe financimin e dirigjimin e strukturave ilegale në veri dhe gjetiu. Kushti i 5-të është i zhdëmtimit. Pa plotësimin e këtyre 5-së lloje të kushteve, ne nuk kemi më pse të dialogojmë”, deklaron Kurti në video. /InLajmi/
