Komuna e Ferizajt ka bërë të ditur se brenda një jave inspektoriati i kësaj komune ka shqiptuar 11 gjoba për ndotësit e ambientit, përcjell InLajmi.
Kryeinspektori i Komunës së Ferizajt, Feriz Hyseni tha se ky aksion do të vazhdoj për të rritur vetëdijen e punëkryesve për mbrojtjen e kujdesin ndaj hapësirave publike.
Më tej nga Komuna u bë e ditur se mbrojtja e mjediseve të përbashkëta nga ndotësit, mbetet përkushtim i Inspektoratit të Komunës.
Njoftimi i plotë i Komunës së Ferizajt:
Për 1 javë, Inspektorati komunal shqipton 11 gjoba për ndotësit e rrugëve
Mbrojtja e mjediseve të përbashkëta nga ndotësit, mbetet përkushtim i Inspektoratit të Komunës. Së fundmi, në një aksion të gjerë të Inspektoratit të Komunës, duke vepruar sipas denoncimeve të qytetarëve por edhe nga vizitat në terren, vetëm për një javë, inspektorët komunal kanë shqiptuar 11 gjoba për ndotësit e rrugëve, kryesisht me baltë, materiale ndërtimore etj.
Kryeinspektori i Komunës së Ferizajt, Feriz Hyseni tha se ky aksion do të vijoj edhe ditëve në vijim, për të rritur vetëdijen e punëkryesve për mbrojtjen e kujdesin ndaj hapësirave publike, gjersa inkurajoi qytetarët që të denoncojnë rastet e tilla. /InLajmi/
