Presidenti i Serbisë, Aleksandar Vuçiq, të mërkuren në takim drejtoreshën e Agjencisë Amerikane për Zhvillim Ndërkombëtar (USAID), Samantha Power, me të cilën kanë diskutuar për bashkëpunimin dypalësh por edhe për procesin e dialogut Kosovë-Serbi, transmeton InLajmi.
Zyrtarja amerikane Power, e cila të marten ka filluar vizitën e saj zyrtare në Serbi, theksoi se presidenti i SHBA-së, Joe Biden, mbështet procesin e normalizimit të marrëdhënieve Kosovë-Serbi. Tutje ka shtuar ajo se Kosova dhe Serbia dhe se Ballkani Perëndimor është shumë i rëndësishëm për Amerikën.
“Gjatë takimit me drejtoreshen e USAID-itpatëm një bisedë të rëndësishme, etë hapur dhe përmbajtësore, diskutuam për tema specifike dhe prioritare për përmirësimin e mëtejshëm të bashkëpunimit dypalësh edhe në fushën e ekonomisë me SHBA, por edhe për situatën në rajon dhe sfidat aktuale gjeopolitike rajonale e globale”, tha Vuçiq.
Presidenti Vuçiq poashtu është shprehur se Serbia është e gatshme të vazhdojë dialogun me Kosovën.
“E ritheksova gatishmërinë e vazhdueshme të Serbisë për të vazhduar dialogun me Prishtinën, por edhe vendosmërinë për të mos pranuar asnjë vendim të njëanshëm që kërcënon drejtpërdrejt të drejtat e komunitetit serb në Kosovë”, tha presidenti Vuçiq.
Ai ka falënderuar USAID-in për ndihmën e ofruar për zhvillimin ekonomik përmes programeve.
“Falënderova për ndihmën që USAID-i i dha vendit tonë përmes programeve të saj në sferën e forcimit të konkurrencës së ekonomisë serbe, si dhe shqyrtuam potencialin për investime shtesë në infrastrukturën energjetike dhe fillimin e projekteve të reja me qëllim të progresi gjithëpërfshirës dhe uniform ekonomik i Serbisë”, thuhet në njoftimin e presidentit.
Krahas takimit me Vuçiqin, Power do të takohet edhe me kryeministren e Serbisë, Ana Brnabiq, ndërsa pas vizitës në Serbi, Power do të udhëtojë në Kosovë. /InLajmi/
View this post on Instagram
