Ligji për Pagat në sektorin publik është miratuar në lexim të 2-të në dhjetorit të vitit të kaluar në Kuvendin e Kosovës, ky projektligj mori mbështetjen e shumicës së deputetëve, pro të cilit votuan 63 deputetë, shkruan InLajmi.
Ligji i lartë cekur rregullon çështjen e pagave për mbi 82.000 punëtorë të sektorit publik, megjithatë me këtë ligj nuk kanë qenë të kënaqur shumë punonjës të sektorëve të ndryshëm.
E këto pakënaqësi më së shumti po i shprehin sindikatat e punonjësve policorë dhe zjarrfikësve të Kosovës dhe arsyet e pakënaqësive e këtyre 2 sektorëve vijnë pasi Qeveria e Kosovës tash e sa muaj pas miratimit të Ligjit të Pagave nuk ua ka ekzekutuar shtesat për rrezikshmëri.
Edhe pse Ministria e Financave dhe e Punëve të Brendshme muaj më parë kishin premtuar se në pagën e muajit mars do të nisë ekzekutimi i shtesave për rrezikshmëri, një gjë e tillë nuk ndodhi as me pagat e muajit prill e kjo situatë acaroi keq punëtorët e këtyre sektorëve.
Nga Sindikata e Zjarrfikësve për InLajmin u shprehën të shqetësuar që kjo kategori e punojësve po anashkalohet sikur që bëhet fjalë edhe në rastin e pagesës së rrezikshmërisë për çka jo që vetëm nuk i kanë marrë por a nuk e dinë as sa është vlera e kësaj shtese të premtuar.
“ Jo vetëm që nuk i kemi marrë shtesat për rrezikshmëri, neve as nuk na kanë njoftuar se sa do të jenë këto shtesa”, deklaroi Muharrem Beka nga Sindikata e Zjarrfikësve të Kosovës.
Më tej Beka tha se ata do të kërkojnë nga Ministria e Punëve të Brendshme sqarime për shumën e përcaktuar të shtesave sikur edhe mos ekzekutimin e tyre.
“Është e vërtet, nuk i kemi marrë shtesat qe nga muaji shkurt , do kërkojmë nga MPB sqarime lidhur me shtesat për rrezikshmëri”, shtoi ai.
Zjarrëfikësit nuk ankohen për punën që ata e bëjnë por anashkalimi i tyre nga institucionet i bën të mendojnë që realizimin e të drejtave të tyre ta kërkojnë përmes rrugëve sindikale ato të cilat do të përcaktohen arsisht nga situata që do të rrjedh.
Kryesindikalisti i zjarrfikësve, Muharrem Beka për InLajmin tha se do jenë në koordinim me sindikatat të tjera se çfarë veprimesh do i marrin.
“Me të gjitha shoqatat sindikale do te vendosim se çka tutje cilët do të jenë hapat tjerë , nëse nuk kompensohemi për rrezikshmërinë në punë”, shtoi tutje ai.
Ndryshe, edhe Imer Zeqiri nga Sindikata e Policëve të Kosovës i bëri thirrje qeverisë që të mos neglizhojë çështjen e shtesave për rrezikshmëri në punë për policët, ndryshe tha ai situata do të ndryshojë radikalisht. Libona Gegaj/ InLajmi/
