Edhe sot vazhdon dita e 4 në Kampionatin Botëror në xhudo që po mbahet në Doha të Katarit.
Vetëm një sportiste nga Kosova do të bëjë gara gjatë ditës së sotme dhe të kërkojë medaljen e parë.
Bëhet fjalë për Laura Fazliu e cila garon në kategorinë -63 kilogram.
Ndeshja e parë e saj zhvillohet pas një ore dhe kundërshtarja e xhudistes kosovare është Nadia Matchiko Guimendego.
Nëse ajo e kalon raundin e parë, do të përballet me xhudisten kroate, Iva Oberan, shkruan Lajmi.net.
Kujtojmë që dje Nora Gjakova nuk arriti t’i siguronte Kosovës medalje, kurse para 2 dite edhe Distria Krasniqi, kampionia olimpike dështoi ta bënte një gjë të tillë.
