Në Ditën e Evropës, këshilltarja politike e kryeministrit të Kosovës, për Preshevë, Medvegjë dhe Bujanoc, Ardita Sinani, pati kritika për Serbinë, e cila përmendi afrimin e kësaj të fundit me Rusinë, gjuhën e urrejtjes dhe mohimin e krimeve të luftës, përcjell InLajmi.
Sinani theksoi se Serbia po rrëshqet drejt institucionalizimit të gjuhës së urrejtjes ndaj pakicave dhe revizionizmit historik.
Për më tepër, ajo tha se Perëndimi nuk duhet të gabojë në pranimin e vendeve që nuk janë demokratike, siç është rasti me Serbinë, ndërsa shtoi se “BE-së nuk i duhet një kali i trojes rus brenda saj”.
Sinani konsideron se BE-së nuk i duhet një Serbi që shkel të drejtat e pakicave ndërsa përmend shtypjen e diskriminimin shtetëror ndaj Luginës së Preshevës dhe shqiptarëve në Serbi.
Ajo thekson se pa përmirësimin e të drejtave të pakicave nuk mund të ketë normalizim të marëdhënieve Kosovë-Serbi.
Postimi i plotë i saj:
Rreshtimi i Serbisë me Evropën të vlerësohet edhe me demokracinë e brendshme dhe të drejtat e minoriteteve
Në Serbinë e sotme, Dita e Evropës, 9 maji, ka veçantinë e saj jo vetëm me pjesëmarrjen e sotme të ministrave të Qeverisë së Serbisë në manifestime të përbashkëta me zyrtarët lokal rus, ku jehon parulla: “Rroftë Putini!”.
Serbia po rrëshqet drejt institucionalizimit të gjuhës së urrejtjes ndaj pakicave, revizionizmit historik dhe mohimit të krimeve të luftës.
Siç u dëshmua së fundi, çdo ditë e më shumë po ulet mbështetja për Bashkimin Evropian në Serbi.
Perëndimi nuk duhet të gaboj për të pranuar vende të reja që nuk janë demokratike.
BE-së nuk i duhet një kali të trojes rus brenda saj.
Dita e Evropës në Serbinë e sotme karakterizohet me mungesën e demokracisë dhe respektimit të të drejtave të minoriteteve, sipas vlerave evropiane.
BE-së nuk i duhet një Serbi që shkel të drejtat e pakicave.
E këtu veçohet shtypja e diskriminimi shtetëror ndaj Luginës së Preshevës dhe shqiptarëve në Serbi.
Pa përmirësimin e të drejtave nuk mund të ketë normalizim të marëdhënjeve Kosovë-Serbi.
Pa përmirësime në këto drejtime, Serbia vetëm ambicien deklarative zyrtare mund ta ketë evropiane.
Urime Dita e Evropës! /InLajmi/
