Vietnami dhe Laosi kanë shënuar temperatura rekorde të të nxehtit. Nivelet më të larta të të gjitha kohërave u regjistruan në këto 2 vende e po ashtu edhe në kryeqytetin e Tajlandës, ku nxehtësia është shoqëruar nga smogu që ka shkaktuar rritje të niveleve të ndotjes, transmeton InLajmi.
Shkencëtarët kanë paralajmëruar prej kohësh se vala e të nxehtit do të përkeqësohet pasi ndikimet e krizës klimatike po përshpejtohen.
Në Vietnam, temperaturat arritën 44.2 gradë Celsius të shtunën në rrethin verior të Tuong Duong, temperatura më e lartë e regjistruar ndonjëherë në vend, sipas historianit të motit Maximiliano Herrera.
Në Laosin fqinj, qyteti i Luang Prabang, temperaturat shkuan në 43.5 gradë Celsius të shtunën, duke thyer rekordin prej 42.7 gradë Celsius që u vendos vetëm muajin e kaluar, tha Herrera.
Kryeqyteti Laosian Vientiane theu gjithashtu rekordin e të gjitha kohërave këtë fundjavë me një temperaturë prej 42.5 gradë Celsius, shkruan CNN.
Ndërkohë në Tajlandë, e shtuna pa temperaturën më të nxehtë të regjistruar ndonjëherë në Bangkok – 41 gradë Celsius. /InLajmi/
