Një aksident trafiku ka ndodhur këtë të hënë në rrugën Prishtinë- Ferizaj, në të cilin është përfshirë një veturë përcjell InLajmi.
Rastin për Gazetën InLajmi e konfirmoi zëdhënësja e Policisë, Flora Ahmeti, e cila ka thënë se në aksidentin në magjistralen Prishtinë-Ferizaj janë lënduar 2 persona të cilët janë dërguar për trajtim mjekësor.
“Si pasojë e aksidentit 2 persona kanë marrë lëndime trupore dhe të njëjtit janë dërguar për trajtimin e nevojshëm mjekësor”, tha ajo.
Ahmeti shtoi se policia ka nisur një hetim për zbardhjen e shkaqeve të këtij vetaksidenti. /InLajmi/
