Ministria e Punëve të Brendshme e Serbisë fton qytetarët që brenda datës 8 qershor t’i përgjigjen thirrjes, qoftë personalisht ose duke thirrur policinë që të vijnë të mbledhin armët e paregjistruara, të dorëzojnë armë pa leje, municione dhe mjete shpërthyese, transmeton InLajmi.
Në njoftimin e Ministrisë së Brendshme tutje thuhet se “Çdo ditë nga ora 7:00 deri në 19:00 qytetarët mund të dorëzojnë armë të paregjistruara, pavarësisht nëse janë armë që nuk mund të posedohen nga qytetarët (pushkë automatike dhe mjete shpërthyese të minave), si dhe gjysmë automatike të shkurtra dhe të gjata armë zjarri”.
Ndërsa ka bërë thirrje për dorëzimin e armëve Ministria e Brendshme jep detaje rreth mundësisë së dorëzimit të armëve pa leje dhe mjeteve tjera shpërthyese
“Përveç dorëzimit personal të armëve pa leje,qytetarët mund të kontaktojnë stacionin më të afërt policor dhe të ftojnë punonjësit e policisë që të vijnë t’i marrin armët pa leje dhe mjetet tjera shpërthyese që posedojnë”.
MPB-ja thekson se gjatë periudhës së dorëzimit të armëve të paregjistruara, deri më 8 qershor, qytetarët që do ta bëjnë këtë nuk do të mbajnë asnjë përgjegjësi penale dhe pasoja dhe as nuk do të duhet të dëshmojnë origjinën e armëve dhe të sjellin ndonjë dokumentacion.
Ministria thekson gjithashtu se qytetarët nuk janë të detyruar të tregojnë identifikim gjatë dorëzimit. /InLajmi/
