Në Rusi, shkronja ‘Z’ përdoret si simbol i pushtimit ushtarak, e Ukraina u ka bërë thirrje shteteve që të dënojnë penalisht përdorimin e simbolit ‘Z’, i cili konsiderohet si mbështetje për ushtrinë ruse, përcjell InLajmi.
Ndërsa një simbol i tillë është shfqaur së fundmi në Kosovë ku për këtë reagoi eksperti i sigurisë kosovare, Agim Musliu.
Musliu deklaroi se kësaj radhe simbolet e agresionit rus janë paraqitur në një majë në Grabovc, afër Zveçanit, duke shtuar se tashmë për këto mbishkrime përgjegjësinë e ka marrë e ashtuquajtura “Severna Brigada”.
Postimi i plotë i tij:
Simboli i agresionit rus në Ukrainë dhe flamuri i Serbisë janë vendosur sot në një majë në Grabovc, afër Zveçanit.
Ata që kanë marrë përgjegjësinë e këtij akti provokativ është e ashtuquajtura “Severna Brigada”, e udhëhequr nga nënkryetari i Listës Serbe, Milan Radoiçiq, njeriu kryesor i Aleksandar Vuçiqit në Kosovë. /InLajmi/
