Mijëra turistë të huaj kanë zgjedhur plazhet e Durrësit për të kaluar pushimet verore.
Hoteleritë në Durrës janë prenotuar në mbi 90 % të kapacitetit të tyre, duke kaluar çdo pritshmëri ende pa nisur fluksi i sezonit.
Turistë nga vendet e Evropës Veriore, vendet skandinave, Italia, Gjermania etj, janë ata që i kanë mbyllur prenotimet më herët dhe që qytetin bregdetar të Durrësit prej vitesh e kanë futur në agjendën e destinacioneve të tyre të preferuar.
“Sezoni turistik i këtij viti mendoj se do të jetë një bum sa i përket numrit të turistëve. Këtë e shohim nga interesi që tour operatorët evropian kanë treguar për bregdetin e Shqipërisë. Mendoj se do të jetë një sezon shumë i mirë dhe i mbarë”, ka deklaruar për A2 CNN, presidenti i grupit FAFA Hotels & Resorts, Fatos Çerenishti.
Durrësi numëron mbi 170 hotele e resorte turistike me një kapacitet akomodues me mbi 10 mijë shtretër.
