Ministri i Mbrojtjes, Armend Mehaj, ka njoftuar që ushtria e Kosovës do t’i bëjë ushtrimet Defender Europe 23, të cilat do të jenë një tjetër test për kapacitetet ushtarake të Kosovës, përcjell InLajmi.
Mehaj tha se ky ushtrim do të jetë test i radhës për ushtrinë e Kosovës, në të cilin do të përgatiten kapacitetet luftarake të vendit.
Mehaj ka përgëzuar shtabin, partnerët dhe të gjithë ata që u angazhuan për këtë ushtrim, gjithashtu ai shtoi se ushtria e Kosovës do të jetë pjesë e NATO-së dhe po forcohet çdo ditë.
Kosova në NATO është gjithashtu një nga amanetet e dëshmorëve tanë, përfundoi Mehaj.
Postimi i plotë i tij:
Tani që jemi në prag të ushtrimit “Defender Europe 23”, përgatitjet janë duke vazhduar me intensitet të shtuar.
Ky ushtrim do të jetë një test i radhës për ushtrinë e Kosovës, në të cilin do të përgatiten kapacitetet tona luftarake.
Përgëzoj shtabin, partnerët tanë dhe të gjithë ata që janë duke u angazhuar maksimalisht që ky ushtrim të jetë në nivelin më të lartë organizativ. Ushtria e Kosovës do të jetë pjesë e NATO-se dhe në bazë të standardeve të saj është duke u forcuar çdo ditë.
Kosova në NATO është gjithashtu një nga amanetet e dëshmorëve tanë./InLajmi/
