Kryeminstri i Kosovës Albin Kurti, ka kujtuar 24-vjetorin e betejës së Çabratit të Gjakovës, përcjell InLajmi.
Kurti kujtoi 26 dëshmorët dhe 100 martirërët e rënë në betejën e Çabratit ndërsa shtoi se 350 civilë u rrëmbyen me dhunë dhe u mbajtën peng në burgje të ndryshme.
Ai theksoi se në mbrojtje të civilëve doli Brigada 137 “Gjakova”.
Në fund, kryeministri tha se “i përjetshëm qoftë kujtimi për 1022 martirët dhe 361 ushtarët dëshmorë të Gjakovës”.
Postimi i plotë i tij:
Mëngjesin e 7 majit të vitit 1999, Çabrati i Gjakovës agoi nën rrethimin e forcave të shumta të Serbisë.
Në mbrojtje të civilëve doli Brigada 137 “Gjakova”. Luftimet e ashpra mes Ushtrisë Çlirimtare të Kosovës dhe forcave serbe vazhduan deri më 11 maj. Në këto ditë maji të vitit 1999, në Çabrat e në rrethinat e qytetit, ranë 26 dëshmorë e më shumë se 100 martirë. Mbi 350 civilë të moshave të ndryshme u rrëmbyen me dhunë. Shumë prej tyre u mbajtën peng në burgje të ndryshme.
Sot kujtojmë djemtë dhe vajzat që luftuan në betejën e Çabratit. Kujtojmë çdo ditë sakrificat e mëdha për çlirim!
I përjetshëm qoftë kujtimi për 1022 martirët dhe 361 ushtarët dëshmorë të Gjakovës!
Lavdi të gjithë të rënëve për lirinë e Kosovës! /InLajmi/
