Të paktën 55 persona kanë mbetur të vdekur dhe 260 të tjerë janë shtruar në spital që kur shpërtheu dhuna midis anëtarëve të grupeve etnike Kuki dhe Meitei në fillim të kësaj jave në Indi, thanë të dielën zyrtarët e spitalit në qytetin Imphal, transmeton InLajmi.
Ushtria indiane, ndërkohë, tha se 23.000 civilë ishin larguar nga konflikti, ndërsa njerëzit e zhvendosur ishin vendosur në baza ushtarake dhe garnizone në shtet.
2 grupet etnike janë përleshur në rrugët e Imphal në lindje të Indisë dhe gjetkë.
Plagosja me armë zjarri është bërë lëndimi më i zakonshëm, sipas zyrtarëve në spitalet Imphal, Instituti Rajonal i Shkencave Mjekësore, Instituti i Shkencave Mjekësore Jawaharlal Nehru dhe Spitali i Qarkut Churachandpur, shkruan CNN.
“Shumica e pacientëve po vijnë me lëndime të rënda plumbash ose janë goditur në kokë me shkopinj,” tha Dr Mang Hatzow nga Spitali i Qarkut Churachandpur në Manipur. /InLajmi/
