Prej 2 javësh, një zog i çuditshëm është ulur në degët e pemëve në Prospect Park Lake në Nju Jork. Shkencëtarët mendojnë se ai ka ardhur nga Amerika Jugut. Kohët e fundit, shumë njerëz kanë vizituar Parkun Prospect duke shpresuar ta shohin zogun nga afër.
Aninga, një shpend i madh uji me një qafë gjarpri, është bashkuar me një numër zogjsh të tjerë që kanë migruar më në veri.
Emri i zogut vjen nga gjuha e Indigjenëve Tupi të Brazilit dhe do të thotë “zog i djallit”. Sipas Laboratorit të Ornitologjisë Cornell, ky zog i veçantë është parë në Nju Jork për herë të parë në vitin 1992.
Aninga e veçantë në Bruklin mund të jetë vetëm, por kishte indikacione se Aninga të tjera ndodheshin edhe më në veri. Disa ditë përpara se zogu të dallohej në Parkun Prospect, Timothy Wing vuri re një tjetër Aningë, rreth 180 milje në veri të Nju Jorkut.
Pasi bëri foto me celularin e tij, Wing konfirmoi pamjen me një mik. Ata panë 22 zogj dhe i regjistruan në eBird, bazën e të dhënave online të vëzhgimit të zogjve.
Studiuesit thonë se lëvizja e pazakontë në Nju Jork është pjesërisht për shkak të ndryshimeve klimatike. “Ajo që ne po shohim është lëvizja e popullsisë për shkak të klimës,” tha Andrew Fansworth, një studiues në laboratorin Cornell, shkruan Abc.News.al.
Vëzhguesit e shpendëve kanë vënë re vizitorë të tjerë të pazakontë me pendë në Parkun Prospect muajt e fundit. “Disa nga speciet përfshijnë zogj me bark të verdhë, mizakërcuesin Akandian (i cili tani folezon në park) dhe të tjerë,” tha Tom Stephenson, një vëzhgues i zogjve në Bruklin.
