Një tërmet i fuqishëm me magnitudë 6.3 ka goditur pjesën perëndimore të Japonisë Ishikawa ndërsa raportohet për të lënduar dhe dëme materiale, transmeton InLajmi.
Tërmeti ndodhi sot në orën 06:42 në një thellësi prej 10 km dhe autoritetet konfirmuan se nuk ka paralajmërime për cunami.
Agjencia Meteorologjike paralajmëroi për ndryshime të nivelit të detit më pak se 20 cm.
Tërmeti ndodhi në skajin verior të gadishullit Noto të prefekturës Ishikawa, 300 km në veriperëndim të Tokios.
Sekretari kryesor i kabinetit Hirokazu Matsuno paralajmëroi në një konferencë shtypi se zona mund të goditet nga tërmete të mëtejshme me fuqi të ngjashme.
Ai u bëri thirrje njerëzve që t’i kushtojnë vëmendje informacionit të evakuimit të shpallur nga autoritetet lokale dhe njoftimeve në televizion dhe radio, shkruan Metro.co.uk.
Tërmeti ka çuar në pezullimin e disa linjave të trenave, duke përfshirë Hokuriku Shinkansen midis stacioneve Nagano dhe Kanazawa. /InLajmi/
