Zëvendësndihmës Sekretari Amerikan i Shtetit Gabriel Escobar të enjten ka deklaruar se vendimi për pranimin e Kosovës në Këshillin e Evropës nuk është fitore, por është obligim, transmeton InLajmi.
Tutje ka thënë Escobar se Këshilli i Evropës ka obligim të sigurojë zbatimin e standardeve dhe lirive demokratike, tha Escobar, duke theksuar se statusi i pakicës serbe në Kosovë është hapi i ardhshëm i Këshillit të Evropës.
“Ne duhet të shohim progres në lidhje me shqetësimet e komunitetit serb në veri të Kosovës dhe moszbatimin e disa dispozitave kushtetuese, duke përfshirë mbrojtjen e manastirit në Deçan”, tha Escobar, duke shtuar se Beogradi dhe Prishtina janë të interesuar të arrijnë një marrëveshje për normalizimin e marrëdhënieve.
“Ata nuk do të ishin në Ohër ose nuk do të pranonin një marrëveshje ligjërisht të detyrueshme nëse nuk do të ishin serioz, po aq serioz në gjithë këtë janë Bashkimi Evropian dhe SHBA-të”, tha Escobar.
Escobar, shtoi se të 2 palët, veçanërisht Kosova, duhet ta marr seriozisht këtë proces dhe ta realizojnë shpejt, me marrëveshjen e Beogradit dhe Prishtinës.
“Normalizimi ka të bëjë me të drejtat e pakicave, veçanërisht të minoritetit serb. Ne presim që të ketë përparim”, tha Escobar.
Emisari amerikan, foli edhe për draftstatutin e Asociacionit të prezantuar në Bruksel më 2 maj, ndërsa theksoi se me këtë është bërë përparim.
“Për herë të parë e kemi dëgjuar drejtpërdrejt nga Qeveria e Kosovës vizionin e tyre për atë asociacion, ndërsa Serbia ka një version tjetër. Përgjigja është që të 2 palët të bisedojnë gjatë 2 javëve të ardhshme, tha Escobar”, shkruan Danas.
Kujtojmë se kryeministri Albin Kurti nuk është pajtuar me disa nene të draft-sytatusit të Asociacionit, por ështja ka mbetur të diskutohet ditëve në vijim deri në takimin e radhës i cili planifikohet të mbahet pas 2 javësh në Bruksel./InLajmi/
