Fuqia punëtore e Twitter ka rënë në nivelin e saj më të ulët në vite, pasi pushimet nga puna vazhduan në kompaninë e kryesuar nga miliarderi Elon Musk. Numri aktual i punonjësve me kohë të plotë në Twitter është rreth 1,000, sipas 2 personave të njohur me situatën që kërkuan të mos identifikohen
Musk tha disa javë më parë se 1500 punonjës mbetën në Twitter, të cilin ai e mori zyrtarisht 6 muaj më parë, megjithëse ai nuk sqaroi nëse në këtë numër përfshiheshin punonjësit jo të përhershëm.
Që kur u bë kreu i Twitter, Mask ka reduktuar vazhdimisht numrin e punonjësve. Menjëherë pasi ai e mori atë kompani, u bënë pushime masive nga puna dhe në fillim të këtij viti numri i punonjësve ishte rreth 2000, raportoi Business Insider.
Fakti që ky numër tani ka rënë në rreth 1000 do të thotë se numri i punonjësve në Twitter është zvogëluar për gati 90 % në krahasim me periudhën para se Musk të ishte pronar i kompanisë, sepse atëherë kishte rreth 7500 punonjës, transmeton EuroNews.al
Nga ata që mbeten në kompani, rreth 500 punëtorë janë inxhinierë.
