Seanca e Kuvendit të Kosovës po vazhdon të mbahet edhe këtë të enjte ku po diskutohen disa nga pikat e rendit të ditës, raporton InLajmi.
Lideri i AAK-së Ramush Haradinaj, fillimisht foli për ështjen e Asociacionit, ndërsa kaloi tek punësimet në administratën publike, duke theksuar se Qeveria e Kosovës duhet ti përmbushë detyrat e veta ndaj të punësuarve në sektorin publik në fokus për rritjen e pagës.
“Qeveria duhet t’i përmbushë detyrat e veta ndaj të punësuarve në sektorin publik. Policia ka kohë që u është hequr rrezikshmëria, por kur duhet të shkojnë në veri ata shkojnë. Logjika që policët të mos përfshihen është e pakuptimtë. Prandaj qeveria duhet të bëjë plan që buxhetin për paga ta rrisë. E ka mundësinë që këtë ta bëjë përmes rishikimit”, deklaroi ai.
Ai shtoi se ende kanë kohë për zgjidhje të duhura dhe tema që janë në interes të të gjithëve
“Kemi kohë për zgjidhje të duhura dhe tema që janë në interes të të gjithëve. Vitin e kaluar është implementuar 17 % e buxhetit. Edhe këtë ka dinamikë të njëjtë”, është shprehur Haradinaj. /InLajmi/
