Derbi i madh i Londrës i ka takuar Arsenalit të cilët e mposhtën Chelsean, në takimin që i takoi xhiros së 34-të në Premierligë.
“Topçinjtë” triumfuan 3:1 kundër rivalëve londinez në stadiumin “Emirates”.
Futbollisti që shkëlqeu me tri asistime në këtë sfidë, Granit Xhaka pas ndeshjes foli rreth fitores.
Ai u pyet edhe për gjasat e Arsenalit për titull të kampionit, pavarësisht se City ka avantazhin në këtë garë.
“Mendoj se i merituam 3 pikët sot. Unë mendoj se po. Ende besoj se është e mundur ta fitojmë titullin”, tha Xhaka për Sky Sport.
Arsenali me këtë fitore rikthehet në vendin e parë me 78 pikë, 2 më shumë se Manchester City që ka dy ndeshje më pak të zhvilluara, transmeton Lajmi.net.
Chelsea mbetet i 12-ti me 39 pikë të grumbulluara gjithsej.
