Në mëngjesin e së mërkurës në shkollën fillore “Vladislav Ribnikar” në qendër të Beogradit, një nxënës ka shtën me armë zjarri duke qëlluar në drejtim të nxënësve mësuesve dhe rojës së sigurisë, përcjell InLajmi.
Si pasojë e të shtënave 8 fëmijë e një punëtorë teknikë kanë humbur jetën e janë të plagosur edhe 6 nxënës dhe një mësimdhënëse.
E lidhur me këtë rast ka reaguar deputeti shqiptar në Parlamentin e Serbisë, Shaip Kamberi i cili tha se ky rast është i dhimbshëm si lajm e i tmerrshëm si fakt..
Ai shtoi se solidarizohet me dhimbjen e familjeve të fëmijëve të cilët janë viktimë e kësaj ngjarje
Postimi i plotë i tij:
Vrasja e 8 fëmijëve dhe një punëtori në njërën prej shkollave fillore të Beogradit, është i dhimbshëm si lajm e i tmerrshëm si fakt.
Shprehë keqardhje për tragjedinë e ndodhur dhe urojë që rastet e tilla të mos përsëriten asnjëherë e askund.
Jetët e fëmijëve janë të çmueshme.
Solidarizohem me dhimbjen e familjeve të fëmijëve të cilët janë viktimë e kësaj ngjarje. /InLajmi/
