Kryetari i Prishtinës Përparim Rama, ka bërë të ditur se nga nesër do të fillojë ndërtimin e një shkolle 9-vjeçare në lagjen Qëndresa në Prishtinë, përcjell InLajmi.
Rama theksoi se edhe një tjetër premtim i fushatës po jetësohet këtë vit.
Ndryshe, ai shtoi se ky është projekt i shumëpritur prej banorëve të zonës, me impakt pozitiv zinxhiror, jo vetëm për prindërit, nxënësit dhe arsimtarët, por për të gjithë qytetarët e kryeqytetit.
Për më tepër, ai thotë se ndërtimi i kësaj shkolle do të lehtësojë dukshëm barrën aktuale të mësimdhënësve në klasat e stërmbushura me nxënës, si dhe trafikun e ngarkuar prej lëvizjeve drejt qendrës së qytetit.
Postimi i plotë i tij:
Një tjetër premtim i fushatës, ndërtimi i shkollës nëntëvjeçare në lagjen Qëndresa (Prishtina e Re, zona perëndimore) po bëhet realitet.
Nesër vendosim gurthemelin për ndërtimin e shkollës me sipërfaqe prej 6.726 m².
Ky është projekt i shumëpritur prej banorëve të zonës, me impakt pozitiv zinxhiror, jo vetëm për prindërit, nxënësit dhe arsimtarët, por për të gjithë qytetarët e kryeqytetit.
Ndërtimi i kësaj shkolle, si dhe i dy të tjerave në të ardhmen e afërt, me modalitetin publiko-privat, do ta lehtësojë dukshëm barrën aktuale të mësimdhënësve në klasat e stërmbushura me nxënës, si dhe trafikun e ngarkuar prej lëvizjeve drejt qendrës së qytetit.
Më pak stres për prindërit, arsimtarët e qytetarët. /InLajmi/
