Kryetari i Partisë Popullore Vuk Jeremiq tha se referendumi për planin franko-gjerman për pavarësinë e Kosovës është një mundësi ideale për të vendosur unitetin e nevojshëm për ruajtjen e integritetit territorial, por edhe për t’i dhënë goditje Qeverisë së Aleksandër Vuçiqit, transmeton InLajmi.
“Zgjidhja e çështjes së Kosovës, është çështja më e rëndësishme kombëtare sot. Ne nuk duhet të lejojmë që me qetësi të shohim veprimet e një person i cili bën tradhti në emrin tonë. Historia pastaj do të na kujtojë të gjithëve si bashkëpunëtorë të tij”, tha Jeremiq në Mionica, ku u themelua Komiteti Komunal i Partisë Popullore.
Jeremiqi ka deklaruar se Vuçiq ka bërë një gabim fatal duke pranuar planin “francezo-gjerman”, por siç është shprehur ai e ka pranuar atë meqë “është shantazhuar nga krimi dhe i janë vënë provat në tavolinë”.
Ai shtoi se plani “francezo-gjerman” parasheh që Serbia dhe Kosova të jenë të barabarta dhe meqë Serbia është shtet, atëherë pajtohet që edhe Kosova të jetë shtet, që nënkupton njohjen faktike.
“Referendumi është mënyra e vetme për ta parandaluar këtë dhe kjo është arsyeja pse Partia Popullore po mbledh nënshkrime nga e gjithë Serbia për të thirrur një referendum. Ne kemi nevojë për 100 mijë nënshkrime dhe kur t’i mbledhim, kuvendi do të duhet të verifikojë iniciativën, pas së cilës do të ketë një referendum të detyrueshëm. “Kur populli të vendosë në referendum, qeveria do të duhet të harmonizojë politikën e saj me vullnetin e popullit”, tha Jeremiq.
Jeremiq ka shtuar se në të kundërtën, sipas marrëveshjes “francezo-gjermane”, Kosova shumë shpejt do të anëtarësohet në UNESCO, Interpol, NATO dhe përfundimisht në OKB.
“Nëse Prishtina hyn në OKB, atëherë asgjë nuk do të pengojë krijimin e Shqipërisë së Madhe përmes bashkimit të Kosovës dhe Shqipërisë, për të cilën liderët e tyre dhe 74 % e qytetarëve të Shqipërisë dhe më shumë se 60 % e popullit të Kosovës kanë këtë dëshirë”, tha Jeremiq.
Ai vuri në dukje se “të gjithë ata që japin një afat për hyrjen e Serbisë në BE po mashtrojnë paturpësisht” dhe pretendon se anëtarësimi është i mundur në vitet e ardhshme.
Nga ana tjetër nënkryatari i Partisë Popullore, Vladimir Gajiq, tha se Serbia po rrëshqet drejt një humnere nga e cila vështirë se mund të dal nëse nuk veprohet shpejt tani.
Ai theksoi se Partia Popullore “është e vetmja që nuk bën kompromis me qëndrimet, përcaktimet dhe bindjet e saj, as nuk i shet”, shtoi se “populli e njeh këtë gjithnjë e më shumë dhe prandaj i beson”. Kryetar i Komitetit Komunal të Partisë Popullore të Mionicës është zgjedhur Aleksandar Mitroviq, thuhet në njoftimin e Partisë Popullore.
Kujtojmë se ky subjekt poltik po kundërshton në vazhdimësi poltikataktuale të presidentit Aleksandër Vuçiqit sidomos në raport me Kosovën /InLajmi/.
