Muaji maj filloi me mot mjaft të këndshëm në Kosovë. Temperaturat shënuan rritje dhe pati intervale të gjata kohore me diell, megjithatë në disa vise u regjistruan rrebeshe afatshkurtra shiu.
Vranësirat pritet të rikthehen menjëherë nga e marta për shkak të pozicionimit të një cikloni të fuqishëm mbi Ital
Ky ciklon do të shkaktojë reshje të fuqishme në Itali, ndërsa në drejtim të rajonit tonë do të sjellë porcione të shpeshta vranësirash dhe reshjesh.
Reshjet lokale do të ketë që nga e marta, shumë më të theksuara në pjesën jugore të Shqipërisë. Gjatë natës në të mërkurën dhe mëngjesin e së mërkurës reshjet e shiut do të përfshijnë gati tërë Shqipërinë, Maqedoninë Veriore, Kosovën dhe Luginën e Preshevës. Kjo do jetë hyrjë për një ditë mjaft jo-stabile e cila do të karakterizohet me reshje të shpeshta shiu.
Në Shqipëri parashihen rrebeshe mjaft intensive lokale me vetëtima, bubullimë dhe mundësi për breshër. Edhe në viset tjera të rajonit e mërkura do të sjellë reshje të shpeshta lokale shiu, lokalisht edhe rrebeshe me ndonjë vetëtimë dhe bubullimë.
E Enjta parashihet të kushtëzojë intervale kohore me diell dhe rrebeshe lokale shiu kryesisht në pjesën e dytë të ditës.
Sipas ecurive aktuale sinoptike të Premtën dhe për fundjavë do të kemi përmirësim dhe stabilizim të motit, rritje të temperaturave dhe shumë më shumë intervale kohore me diell. Megjithatë, rrebeshet e izoluara me bubullimë mund të rikthehen të dielën pasdite vonë.
Në aspektin termik temperaturat gjatë kësaj jave do të jenë kryesisht rreth vlerave mesatare ose pak nën vlerat mesatare (deri të premtën) për këtë periudhë kohore, ngase parashihen vranësira të shpeshta dhe po ashtu edhe reshje të herëpashershme shiu. Temperaturat rriten në kohën e intervaleve kohore me diell. Të premtën dhe për fundjavë temperaturat kthehen rreth vlerave mesatare ose pak mbi vlera mesatare për këtë peiudhë kohore.
