Kryetari i Nisma Socialdemokrate, Fatmir Limaj, i ka quajtur të papërgjegjshëm kryeministrin Albin Kurti e presidentin serb, Aleksandër Vuçiq. Teksa ka folur për takimin e nesërm, Limaj ka thënë se ndërmjetësit do të insistojnë në fillimin e implementimit të asaj që ata janë dakorduar në Bruksel edhe në Ohër.
Limaj ka folur edhe për Asociacionin, të cilin e quan më të dëmshme se të vitit 2015. Ai ka thënë se atë kohë, Gjykata Kushtetuese ka hedhur poshtë mundësinë e krijimit të një pushteti të tretë.
Sipas tij, me marrëveshjen aktuale, Asociacion me kompetenca ekzekutive.
“Jo diçka të veçante ndërmjetësit do të kenë rastin të ballafaqohen me 2 njerëz të cilët janë të papërgjegjshëm. Besoj që këtu fillon një lloj ping pongu, ajo pjesë e lojës që ata 2 din të bëjnë më së miri. Si Vuçiqi i Kurti që në funksion të manipulimit të popujve, ndërmjetësit do të ballafaqohen me 2 njerëz të papërgjegjshëm. Që një ditë japin fjalën, ditën tjetër ndezin luftën, ditën e 3 bëhen paqësor ose mbrojtës të vlerave demokratike. Po unë besoj që ata janë futur në një qoshe dhe unë besoj që ndërmjetësit në këtë rast BE dhe SHBA-ja siç po shihte do të insistojnë në fillimin e implementimit të asaj që ata janë dakorduar edhe në Bruksel edhe në Ohër dhe kjo nënkupton që do të filloj implementimi i asaj marrëveshje. Kjo mund të mos ndodh me të dytin por jam i bindur që ata nuk do të tërhiqen nga zotimet që ju kanë marr të dyve”, u shpreh Limaj.
Limaj ka thënë se me marrëveshjen e Ohrit, palët i kanë ikur vendimit të Gjykatës Kushtetuese, e që sipas tij do të jetë me kompetenca ekzekutive.
“Më e keqe është dhe ju do ta shihni gjatë implementimit. Në këtë marrëveshje ata i kanë ikur vendimit të Gjykatës Kushtetuese. Pika e shtat i ik vendimit të Gjykatës Kushtetuese kështu që fatkeqësia është qe do të shihni asociacion me kompetenca ekzekutive të implementuar. Do ta shihni draft statutin kur të propozohet, po do ta shihni që krejt ajo që e ka hedhur Gjykata Kushtetuese ju do ta shihni statutin e ardhshëm në mënyrë të sofistikuar, kamufluar siç është pika e 7”, u shpreh Limaj, teksa thotë se me këtë marrëveshje, komunat veriore me Asociacion do të kenë kryetarin, stemën dhe bordin ekzekutiv.
Kreu i Nismas e ka quajtur marrëveshjen e Ohrit si të paimagjinueshme para tri vitesh. Për të, Kosova është shkatërruar si në aspektin diplomatik e ekonomik. Sipas tij, vulën e këtij shkatërrimi e kanë zgjedhjet e 14 shkurtit të vitit 2021, shkruan Ekonomia Online.
“Kosova ra viktimë e atij narracioni të aventuristëve, të njerëzve që kurrë nuk ju ka dhimbur për fatin e vendit të tyre, dolën ma patriot se ata të cilët kishin sakrifikuar për këtë vend. Gjitha këto sollën atë qe e kemi sot, për 2 vite kemi arritur për një mend të shkatërrohet krejt çka është ndërtuar edhe në aspektin diplomatik, ekonomik, social në këtë vend. Kjo eshët arritur që Serbia të fitoj një marrëveshje që e pa imagjinueshme ka qenë para tre apo pesë viteve. Është arritur që të bëhet një deziintegrim total të veriut, ajo që për 10 vite ishte investuar për integrimin e asaj pjese për një vite është shkatërruar. Vula e atij shkatërrimi është bërë me zgjedhjet e fundit. Në çdo sektor publik të Kosovës kemi degradim, përmbysje”, u shpreh Limaj.
