Federata Sindikale e Punëtorëve Teknik të Sektorit Privat të Kosovës ka protestuar në sheshin “Skënderbeu” me pankartën “Qeveri nënshkruani marrëveshjen kolektive”, raporton InLajmi.
Jusuf Azemi, kryetar i Sindikatës së Pavarur në Sektorin Privat të Kosovës, tha se Qeveria e Kosovës po i kërkon kompanive që të rrisin pagat sa për sy e faqe ndërsa shtoi se në realitet paguhen 170 euro.
“Qeveria e Kosovës i kërkon kompanive që të rritin pagat sa për sy e faqe, por në realitet punëtorët tanë paguhen me 170 euro. Në vitin e zgjedhjeve, po ua përkujtojmë çka na thanë, na thanë që në 2022 do të kemi pagë minimale 350 euro, pas 2 vjetësh janë 170 dhe 130 euro”, tha Azemi.
Azemi i numëroi edhe premtimet që nuk janë përmbushur nga qeveria. /InLajmi/
