Futbollisti kosovar, Arijon Ibrahimovic është rikthyer në stërvitje me ekipin e parë të Bayern Munich, pas aventurës që kishte me ekipin e dytë gjerman.
Ibrahimovic u paraqit sot në stërvitjen e hapur për tifozët pas fitores së madhe ndaj Hertha Berlinit në Bundesliga, ky “bavarezët” morën kreun e tabelës.
Ibrahimovic kohëve të fundit ishte pjesë e Bayern ll dhe dukej se s’bën pjesë në planet e trajnerit, Thomas Tuchel. Megjithatë ai sot është rikthyer dhe pritet të jetë në listën e gjerë të futbollistëve për ndeshjen ndaj Werder Bremenit, më 6 maj (ditë e shtunë), shkruan Lajmi.net.
Futbollisti kosovar në ndeshjet e fundit me Bayern ll shënoi tre gola, në Ligën Regjionale të Bayernit.
