Shqipe Selimi, bashkëshortja e ish-kreut të UÇK-së Rexhep Selimit, ka sqaruar njoftimin e Speciales se Selimi e ka shkarkuar nga mbrojtja avokatin e tij David Young, përcjell InLajmi.
Selimi e ka quajtur këtë lajm si keqinformim ndërsa ka shtuar se avokati Young do të vazhdojë të mbetet pjesë integrale e ekipit mbrojtës të Rexhep Selimit, por që për arsye shëndetësore në vend të tij do të jetë avokati Geoffrey Roberts ndërsa bashkëavokat David Young.
Ajo thekson se ekipa mbrojtëse e Rexhep Selimit do të vazhdojë punën si gjithmonë me intensitetin dhe harmoninë e zakonshme.
Për më tepër, ajo shton se si familje janë të kënaqur me punën e avokatëve.
Postimi i plotë i saj:
SQARIM
Të nderuar qytetarë
E ndjej obligim të bëj këtë sqarim në lidhje me lajmin që po qarkullon sot nëpër medie se Rexhep Selimi ka larguar nga ekipi avokatin e tij z. David Young. Ky është një keq-informim që i bëhet publikut.
- David Young mbetet akoma pjesë integrale e ekipit të mbrojtjes së Rexhep Selimit. Megjithatë për arsye shëndetësore është vendosur në bashkëpunim me z. Young që për një periudhë të pacaktuar Avokat kryesor të jetë z. Geoffrey Roberts, kurse bashkë-avokat z. David Young.
Ekipa mbrojtëse e Rexhep Selimit vazhdon punën si gjithmonë – me intenzitetin dhe harmoninë e zakonshme.
Ne si familje jemi të kënaqur me punën e avokatëve. /InLajmi/
