Ministri i Financave, Hekuran Murati, deklaroi se numri i bizneseve që janë hapur në 3 mujorin e parë të këtij viti ka shënuar rekord, përcjell InLajmi
Sipas të parit të financave , për këta 3 muaj janë regjistruar 3.086 biznese të reja.
Ai ka thënë se ekonomia e vendit po vazhdon zgjerimin përkundër krizave globale.
Postimi i plotë i tij;
Rekord numër i bizneseve të hapura në tremujorin e parë 2023
Ekonomia e vendit po vazhdon zgjerimin përkundër krizave globale.
Në tremujorin e parë të vitit 2023 janë regjistruar gjithsej 3,086 biznese të reja, që paraqet shifrën më të lartë të regjistruar ndonjëherë.
Lajmi tjetër i mirë është që në sektorin e prodhimit janë hapur 353 biznese të reja, gjë që e bën sektorin e dytë, menjëherë pas tregtisë.
Sipas komunave, prin Prishtina me 862 biznese të hapura, që len pas Ferizajn me 267 biznese të hapura, kurse në vendin e tretë është Prizreni me 261 biznese të hapura. /InLajmi/
