Ministri i Mbrojtjes, Armend Mehaj është duke qëndruar për vizitë, në shtetin e Turqisë ku është mirëpritur nga homologu i tij turk Hulusi Akar, përcjell InLajmi.
Mehaj tha se në këtë takim diskutuan për bashkëpunimin e shkëlqyer që kanë 2 vendet, i cili do të thellohet me nënshkrimin e marrëveshjes SOFA, dhe marrëveshjeve të tjera.
Ministri Akar shprehu falënderimin dhe mirënjohjen për ndihmën që Republika e Kosovës i ka ofruar Republikës së Turqisë me rastin e tërmetit, shtoi ai.
Ministri i Mbrojtjes gjithashtu tha se Turqia mbetet partner i Kosovës në zhvillimin e ushtrisë së vendit.
Postimi i plotë i tij:
Gjatë vizitës në Stamboll në Republikën e Turqisë, sot së bashku me Gjeneral, Naim Haziri dhe atasheun e Mbrojtjes, Bekim Zejnullahu kemi takuar me Ministrin e Mbrojtjes së Republikës së Turqisë, z. Hulusi Akar.
Diskutuam për bashkëpunimin e shkëlqyer që kemi mes vendeve tona, bashkëpunim ky që do të thellohet edhe më tej pasi që jemi duke punuar në nënshkrimin e marrëveshjes SOFA, marrëveshjes për shkëmbim të personelit dhe marrëveshjen në fushën ushtarake të trajnimeve, teknikës dhe shkencës.
Ministri Akar shprehu falënderimin dhe mirënjohjen për ndihmën që Republika e Kosovës i ka ofruar Republikës së Turqisë me rastin e tërmetit. Reagimi ka qenë në një kohë shumë të shkurtër dhe trupat e FSK-së kanë dhënë maksimumin e tyre për të shpëtuar të mbijetuarit.
Turqia mbetet partner i yni në zhvillimin dhe forcimin e ushtrisë tonë.
Gjithashtu, kemi zhvilluar takim të përbashkët me Ministrin e Industrive Strategjike të Ukrainës, Oleksandr Kamyshin, Ajzerbejxhanit, Zekir Hasanov si dhe Ministrin e Mbrojtjes të Burkina Faso, Aimé Berthelemy Simporé./InLajmi/
