Sindikata e Re e Korporatës Energjetike të Kosovës ka protestuar me kërkesë rritjen e pagave, raporton InLajmi
E numri i atyre që dolën të protestojnë dhe ti shprehur pakënaqësitë e tyre për pagat, ishte jo i vogël
Para objekti të KEK-ut, protestuesit janë dëgjuar teksa brohorasin fort “hajnat jashtë” e në duar kishin edhe parulla të ndryshme, ndër to edhe “Marre me rrejt”.
Para protestuesve foli Kryetari i Sindikatës së Re të KEK-ut, Nexhat Llumnica, ku deklaroi se janë mashtruar për rritje pagash.
“Ne shprehin pakënaqësi dhe prodhojmë energji elektrike. E di që ndoshta nuk jeni të kënaqur me neve, por disa individë e sidomos Bordi i KEK që na ka gënjyer që në fund të prillit të bëhet diçka. Në fund na thanë se në fund të majit do të kemi një shpërblim, por jo, ne po kërkojmë rritje pagash dhe jo shpërblim”, tha Llumnica.
Llumnica shtoi se punëtoret e KEK-ut nuk janë të veshur me ngjyra partiake, por me uniformën e KEK-ut.
“Marre me rrejt. Punëtorët e KEK nuk janë të veshur me ngjyra partiake, por me uniformën e KEK-ut. Deri në ora 16:00 nuk shikojmë parti politike, prandaj kërkojmë nga Qeveria që t’i rris pagat e t’i rris shujtat ushqimore. Ne me juve do të jemi të vendosur dhe nuk do të lëshojmë pe, dhe nuk do t’i plotësojmë dëshirat, ne po dyshojmë se disa individë po na imponojnë grevën, e sot po i paralajmërojmë se nuk do të lëshojmë pe”, tha Llumnica.
Kujtojmë se në pranga aktualisht është drejtori i KEK-ut, Nagip Krasniqi i akuzuar për korrupsion. /InLajmi/
