Shefja e UNMIK-ut Caroline Ziadeh, ka folur në seancën e Këshillit të Sigurimit të Organizatës së Kombeve të Bashkuara.
Ziadeh ka folur në veçanti për raportet Kosovë-Serbi.
Ajo tha se ndërtimi i besimit mes 2 vendeve mund të sjellë normalizimin e raporteve tyre.
“Por, vështirësitë e kësaj mund t’i quajmë si “mungesë të vullnetit politik”. Fqinjët e rajonit që janë pjesë e Bashkimit Evropian, ato që nuk janë e edhe ato që po na presin që të bëhen pjesë e BE-së po na vëzhgojnë”.
Shefja e UNMIK-ut theksoi se duhet të ndodh edhe zbatimit i Asociacionit të Komunave me shumicë serbe.
Ajo shtoi se zgjedhjet e 23 prillit në veri ishin të qeta.
“Siguria duhet të jetë për të kthyer besimin tek njëri-tjetri”, tha ajo, përcjell KlanKosova
“Janë shfaqur pengesa të ndryshme. Po ashtu është shfaqur edhe vullnet që të afrojnë Prishtinën dhe Beogradin më afër njëri-tjetrit. Thyerja e besimit të të dyja palëve mund të sjell pasoja serioze për rajonin”, theksoi Ziadeh.
