Presidenti i Republikës së Kroacisë, Zoran Milanoviq ka deklaruar se Kosova është një shtet i pavarur në Ballkanin Perëndimor.
Përmes një deklarate të përbashkët me presidentin Bajram Begaj, Milanoviq thekson se Kosova është një realitet i pakontestueshëm, ndërsa Serbia ndodhet në një situatë politike skizofrenike, të dyjëzuar.
“Nga njëra anë kanë fantazi mbi raportet me Rusinë, në të cilën Serbia është thjesht vetëm një etiketë e vogël dhe nga ana tjetër pretendojnë se duan të futen në Bashkimin Evopian”, thotë i pari i shtetit kroat.
Sipas Milanoviq, ajo çka përbën interes është normalizimi i marrëdhënieve mes 2 vendeve, Kosovë-Serbi.
“Kosova është në rrugën e duhur”, thotë udhëheqësi kroat, duke shtuar se megjithëse kemi të bëjmë me 2 shtete shqiptare, Kroacia është e prirur të ketë marrëdhënie dhe kontribuojë me të 2-ja, shkruan Top Channel.
“Kosova është një realitet. Numri më i madh i vendeve të BE-së dhe NATO-s e kanë pranuar, disa vende nuk e kanë pranuar, por po t’i pyesësh “pse nuk e kanë pranuar” as ato vetë nuk dinë ta argumentojnë arsyen pse.
