Në 24-vjetorin e masakrës së Mejës, kryetari i Partisë Demokratike të Kosovës Memli Krasniqi bashkë me deputetë bënë homzhe në Kompleksin Memorial “Lëndina e Pikëllimit”, raporton InLajmi.
Krasniqi derisa e quajti kompleksion memorial si “Lëndina e krenarisë”, theksoi se populli ynë sakrifikoi shumë për lirinë që e gëzojmë sot.
“Si çdo 27 prill edhe këtë vit sa herë që vijmë këtu në ‘Lëndinën e krenarisë’ në Mejë. Nuk ka sesi të kujtojmë këtë rrugëtim të rëndë e tragjik të popullit tonë që sakrifikoi aq shumë për lirinë që e gëzojmë sot dhe padyshim si në çdo ditë tjetër por në mënyrë të veçantë në këtë ditë kur i kujtojmë të pagjeturit, dhimbjen e pambaruar të familjarëve në radhë të parë por edhe të kombit tonë në përgjithësi”, tha Krasniqi.
Kryetari i PDK-së tha se pa u zbuluar fati i të pagjeturve nuk mund të ketë drejtësi.
“S’ka si të mos mendojmë se nuk është bërë mjaftueshëm. Për disa prej familjarëve, liria ende nuk ka ardhur. Pa u gjetur dhe pa u zbuluar fati i të pagjeturit të fundit nuk mund të ketë drejtësi”, tha tutje Krasniqi. /InLajmi/
