Shumë burra nuk mësojnë kurrë nga baballarët e tyre se sa të rëndësishme janë përqafimet, fjalët e dashurisë, ndjenjat pozitive. Shumë prej tyre kur u bënë baballarë mësuan të maskojnë ose fshehin ndjenjat e tyre duke përsëritur sjelljen e baballarëve të tyre.
Por ka edhe një kategori tjetër baballarësh, të cilët nuk e kanë lejuar veten të përjetojnë disa emocione pozitive ose i kanë përjetuar ato në një nivel sipërfaqësor. Zakonisht këta meshkuj e kanë të vështirë të marrin dhe të tregojnë emocione pozitive edhe ndaj fëmijëve të tyre.
Emocionet dhe fëmijët
Ne e dimë se baballarët janë modele shumë të rëndësishme për fëmijët e tyre . Kështu që shumë shpesh ata mësojnë se si të fshehin ose shtypin ndjenjat e tyre dhe cikli thjesht përsëritet.
Por figurat e babait duhet të modelojnë emocione të shëndetshme dhe t’i ndihmojnë fëmijët të kuptojnë, ndajnë, njohin dhe shprehin të gjitha llojet e emocioneve në një mënyrë të shëndetshme.
Fëmijët duan të dinë se janë të dashur
Fëmijët duhet të ndihen të dashur nga baballarët e tyre. Kjo është arsyeja pse është e rëndësishme të mbani mend se:
Dashuria i inkurajon fëmijët.
Dashuria i ngushëllon fëmijët.
Dashuria u jep fëmijëve besim.
Dashuria i bën fëmijët të ndihen të sigurt.
Dashuria është dhurata më e madhe e prindërve për fëmijët, shkruan Sinjali.
Kur baballarët të mësojnë si të menaxhojnë dhe shprehin emocionet e tyre, ata do të fillojnë të shijojnë gjithashtu përfitimet: dashuri në vend të urrejtjes, qetësi në vend të zemërimit, përqafime në vend të indiferencës.
