Ermonela Jaho dhe Elbenita Kajtazi janë 2 sopranet shqiptare që kanë shënuar së fundmi suksese ndërkombëtare, përcjell InLajmi.
Sopranoja Ermonela Jaho është nderuar me çmimin “Artiste e vitit 2023” nga Classical Music Awards, me arsyetimin “Me bukurinë unike të zërit të saj madhështor, të udhëhequr me vendosmëri drejt shkëlqimit të lavdishëm, ajo mahnit me estetikën e saj të pastër vokale.”.
Lajmin e bëri të ditur Ministria e Kulturës, e cila përgëzoi sopranon Jaho, por edhe Elbenita Kajtazin për arien e saj të suksesshme në Paris “Unë them se asgjë nuk më tremb”.
Nga Ministria e Kulturës thonë se suksese si këto na zgjojnë ndjenja të fuqishme krenarie.
Postimi i plotë i saj:
Sukseset e radhës të 2 sopranove tona👏🏼
Çmimi “Artiste e vitit 2023” i ndarë nga Classical Music Awards, iu delegua sopranos së shquar të operës botërore Ermonela Jaho, me arsyetimin “Me bukurinë unike të zërit të saj madhështor, të udhëhequr me vendosmëri drejt shkëlqimit të lavdishëm, ajo mahnit me estetikën e saj të pastër vokale.”
I artë ishte edhe debutimi në Opéra-Comique në Paris i sopranos Elbenita Kajtazi. Aria e saj “Unë them se asgjë nuk më tremb”, interpretuar me ndjeshmëri të madhe dhe një zë të kthjellët me nota të larta rrezatuese, i dha asaj një duartrokitje të gjatë nga publiku. Kështu thuhet në njërën nga shumë kritikat e publikura në shtypin francez kushtuar punës, përkushtimit dhe talentit të Kajtazit.
Sukseset si këto na zgjojnë ndjenja të fuqishme krenarie. /InLajmi/
