Ekipi i kërkim-shpëtimit i Forcës së Sigurisë së Kosovës është dekoruar me medalje nga presidenti i Turqisë, Recep Tyyip Erdogan, transmeton InLajmi.
Kjo medalje iu dha FSK-së si shenjë mirënjohjeje për kontributin e dhënë pas tërmetit shkatërrues në Turqi.
Në ceremoninë e dhënies së medaljes presidenciale dhe urdhrit të shërbimit të shquar humanitar, pas tërmeteve të gjashtë shkurtit, në pjesën jugore të Turqisë, Republika e Kosovës ishte ndër vendet e dekoruara me medalje nga presidenti i Turqisë Recep Tayyip Erdogan.
Zyrtarë nga FSK theksojnë se kjo medalje është meritë e kontributit të pakursyer të ekipit të kërkim-shpëtimit të Forcës së Sigurisë së Kosovës.
Postimi i plotë nga FSK:
Ekipi i kërkim-shpëtimit i FSK-së dekorohet me medalje nga presidenti i Turqisë, Erdoğan, për kontributin e dhënë pas tërmetit shkatërrues
Në ceremoninë e dhënies së medaljes presidenciale dhe urdhrit të shërbimit të shquar humanitar, pas tërmeteve të gjashtë shkurtit, në pjesën jugore të Turqisë, Republika e Kosovës ishte ndër vendet e dekoruara me medalje nga presidenti i Turqisë Recep Tayyip Erdoğan.
Kjo medalje është meritë e kontributit të pakursyer të ekipit të kërkim-shpëtimit të Forcës së Sigurisë së Kosovës. /InLajmi/
